Rueda de prensa de “Confluencias Asturias” anunciando la concentración del viernes 25 en La Escandalera


la foto (6)

El grupo de Confluencias Asturias dio ayer una rueda de prensa en Oviedo, con presencia de Marea Ciudadana de Asturias, para informar sobre la convocatoria de concentración del próximo día 25 de octubre en la plaza de La Escandalera.  La Asamblea de Trabajadores Públicos también estuvo alli.

Nota de prensa aquí y texto debajo.

QUIÉNES SOMOS

La protesta ñaz l’añu pasáu d’un procesu de confluencia d’un arcu mui ampliu de los movimientos sociales asturianos, asina como de los colectivos llaborales en conflictu nesi momentu n’Asturies.

Tanto esti añu como l’anterior, les asamblees de preparación tuvieron llugar nel CSOA La Madreña, nel barriu de Pumarín, n’Uviéu.

Si hubo daqué significativo n’estes reuniones foi la diversidá programática de los sectores implicaos: l’añu pasáu participaron trabayadores d’Educación, Alministración, Sanidá y Universidá, persones paraes y precaries, estudiantes, feministes, PAH, AAVV, CSA La Semiente, CSOA La Madreña, asamblees llocales 15M, Frente Cívicu…, trabayadores d’empreses en llucha entóncenes n’Asturies (Caxastur, RTPA, HP, minería…) y col sofitu de la militancia política y sindical asturiana combativa y responsable.

Sin que les diferencies d’oxetivos fueran una torga, lloñe d’obstaculizar, toos y toes vimos la necesidá de rechazar de forma unánime la comedia de los Premios Príncipe y lo que verdaderamente representen.

Esta vegada el llamamientu sigue empobináu al 99%, a los desposeídos, a esa inmensa mayoría social afectada por esta estafa llamada crisis, colo cual esperamos contar con un abanicu similar… si acaso con un par de miles de persones más. La idea, ye crecer.

 LA CONCENTRACIÓN.

premios pincipe

– La notificación d’usu del espaciu, que non solicitud Sr. Gabino, tramitáronla los y les trabayadores de Caxastur pa la so protesta, ya que actualmente s‘enfrenten a un plan d’axuste inaceptable, nel procesu de privatización/liquidación que lideren Menéndez&libercómplices.

– Solidariamente, compártenla col resto de colectivos pa que toes y toos podamos manifestanos.

– La Delegación del Gobiernu pretendió desplazar la concentración a un sitiu menos visible, pero el TSXA dio la razón a los trabayadores de Caxastur no que consideramos un avance de la llexitimidá popular frente al autoritarismu de quienes gobiernen les instituciones.

 LOS MOTIVOS.

-El que más darréu se nos vien a toos a la cabeza, ye’l gastu de dineru público que suponen, nun contestu d’austeridá, impuestu escontra baxo, y nunca sobre ellos mesmos. Nun ye namás que’l financiamientu de la Fundación con fondos públicos, de que la so actividá como dempués vamos ver, va beneficiase’l gran capital priváu español. Ye tol esplegue que suponen, pa crear na ciudá un auténticu estáu d’esceición.

– Frente a esti primer cuestionamientu, los premios antróxense de “beneficiu económicu”, “prestixu p’Asturies” y “promoción de valores humanos”, pero los únicos abondo beneficiaos son el patrones privaos de la Fundación, que son los que realmente rentabilicen la so actividá. Al traviés de la so participación, lo que llogren ye una rentable exención d’impuestos, dineru que por tantu nun va dir al Estáu, al común, a les persones; que nun va dir a Sanidá, Educación, I+D+i, Xusticia o Cultura, del que nun vamos ver más qu’un espeyismu.

Nesta comedia grotesca, los bancos rescataos con fondos públicos que desahucien families a diariu, les grandes empreses que defrauden a Facienda, les que financien al PPSOE en cuenta de concesiones, les que nos roben nel recibu de la lluz y les que nieguen a los sos trabayadores los drechos llaborales más elementales, apurren dempués premios a la Concordia, la Cooperación o les Belles Artes.

Tou col beneplácito de la tamién gran empresa que ye la Corona, pretendiendo una llavadura de cara recíproca, pero nel que nun consiguen despintar nin lo anormal de la so naturaleza nin lo corrupto de la so actividá.

TAMOS convencíes de qu’estos premios nun pueden aportar soluciones p’Asturies, pal Estáu nin pal mundu, cuando quienes los auspicien son los responsables de les circunstancies que actualmente sufrimos.

Polo tanto, de la mesma forma na que ellos nun permiten que les nueses vides se desendolquen con normalidá, nós nun vamos dexa-yos festexar la so opulencia. Hasta equí llegamos, nun va haber más fiestes en paz pa ellos.

INSISTIMOS: L’ASTURIES REAL NUN TIEN NADA QUE FESTEXAR

DESARROLLU DE LA PROTESTA.

– Los medios pa canalizala van ser tan simples como’l oxetivu de la mesma: nun va haber manifiestos consensuaos, recorríos, fotos de cabezaleros nin la necesidá inmediata de fraguar una alianza al día siguiente. Namás vamos dir toos y toes a facer tremar l’aire d’Uviéu con voces, silbatos, bocines, tambores y gaites, hasta que-yos fiendan los oyíos y se respiguen nes poltrones.

– En toes y toos atalántase’l deseyu opimista de siguir collaborando y confluyendo, pero polo pronto, vamos vivir el momentu. Cada colectivu llama a les sos files. Mañana, ya veremos.”

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s